Antolatzeko erak eta jarduera berritzailea: Euskal Herriko, Espainiako eta Europako manufaktura- sektoreen analisia
Ekonomiak, gero eta gehiago, joko arau oso lehiakorrak ezartzen ditu nazioarteko jokalekuan, eta hortaz, jokaleku globalizatuan, aritzeko. Ingurumaria horretan, berrikuntza arrakastarako faktore gakoa da, egoki erabiltzen duten herrialdeei eta erakundeei lehiatzeko abantaila iraunkorrak ekartzen baitizkie. Azterlan honetan, fenomeno horren alderdi bat landu nahi dugu: manufakturako industrian, lana antolatzeko moduekin duen harremana. Manufakturako sektoreak garrantzitsuak dira Euskal Autonomia Erkidegoan. Eta sektorehoriek aztertzean, Espainia eta Europar Batasunarekin alderatzea komeni zaigu.
Parke teknologikoak eta zientifikoak, I+G+b-rako espazioa
Zientzia, teknologia, ikerketa, garapena eta berrikuntza dira, orain inoiz baino gehiago,
herrialde garatuen politika ekonomikoak oinarritzen diren funtsezko harroinak.
Hasieratik gure izate-zergatia izan da: enpresa teknologikoki aurreratuak kokatzea; enpresen, unibertsitateen eta zentro teknologikoen arteko elkarlana, eta Euskal Herriko industria dibertsifikatzen eta berritzen laguntzea. Horrenbestez, gure interfaz kokaeratik,
I+G-ko egitasmoetarako behar diren azpiegiturak hornitu behar ditugu, bai halaber eragileen arteko lankidetza-bideak irekitzea sustatu eta nazioarte-mailan dugun harreman-kapital guztia eskura ipini.
Euskal Herriko kluster politikak: ikasitako ikasgaiak eta erronkak
Artikulua honek, Euskal Herriko kluster politikaren esperientzia aditzera ematen du bere hasieretatik eta bere eboluzioa zein izan den deskribatzen du. Testuak, kluster, kluster elkarte eta kluster politiken definizioak aipatzeaz gain, klusterren asoziazioak krisiari aurre egiteko tresna bezala nola sortu ziren azaltzen du.
Euskadi, Eko-berrikuntzaren erakargunea
Euskadi tamaina txikiko komunitate bat da, BPG altuarekin, kultura enpresarial aurreratu batekin eta gaitasun zientifiko-teknologiko nabarmenarekin. Honi, Euskadik daukan erlazio sozial nibel altua gaineratzen badiogu, Eko-berrikuntza bultzatzeko ingurune ezin hobean aurkitzen gara. Eko-berrikuntza, “berrikuntzako edozein forma ingurumeneko eraginak murrizten dituenak eta baliabideen erabilera optimizatzen duena ” da. Lan honetan, 30 adibide praktiko ageri dira Euskadiko Eko-berrikuntzaren ekimenaren ingurukoak.
Berrikuntza lokalaren ahalmena: tipologia bat euskal eskualdeentzat
Artikulu honek hausnarketa bat plazaratzen du berrikuntza-prozesuak aztertzeko lurralde-unitate egokiaren inguruan, eta maila anitzeko hurbilketa bat proposatzen du eta haren garapenean aurrera egiten du Euskal Autonomia Erkidegoan (EAE). Lan honen asmoa da berrikuntza-sistemen, aglomerazioko ekonomien eta ekintzailetzaren arteko erlazioen eremuko literatura enpiriko urriari ekarpenen bat egitea. Hiru kontzeptu horien inguruan, kluster azterketa bat egiteko 21 adierazle erabili dira, baina aurretik osagai nagusien azterketa egin da, eta emaitza hau izan du: EAEko 20 eskualdeak bost mota berezitan taldekatzen dituen tipologia bat: ekoizpen-egitura dibertsifikatuko metropolieskualdeak; industria-aglomerazio aurreratuak; portaera teknologiko ertaineko industria-aglomerazioak; industria-eskualde txikiak, eta landa-eskualde txikiak.
Euskal Herriko berrikuntza sistema eta politikari buruzko hausnarketak
Idazlan honen lehenengo kapituluan (EAE) Euskal Autonomi Erkidegoko berrikuntzako sistema beste herrialde aurreratuetakoekin alderatzen da, I+Gko estatistikak eta (EIS) Europako berrikuntzaren adierazleak baliatuz. Ondoren, EAEko berrikuntzako sistema beste erregioetakoekin erkatzen da, Europako eta Espainiako erregioetarako egileak sortutako tipologietan eta berrikitan argitaratutako Regional Innovation Scoreboard (RIS 2009) delakoaren emaitzetan oinarrituz. Hirugarrenik, EAEko zientziako eta teknologiako azpiegiturak osatzen dituzten jardule ezberdinen pisu eta bilakaera aztertzen da. Azkenik, jakintzaren balio-katean kokatzen diren eta enpresei jakintza hori transmititzea helburu duten hainbat kideren erronka eta arazoak arakatzen.
Eguneroko berrikuntza: sormen eta berrikuntzaren esperientziak gomendio pertsonalen eskutik
Innobasquen kontziente dira berrikuntzako aktore nagusiak pertsonak direla, berrikuntza ez dela soilik lan-eremukoa baita beste leku batzuetakoa ere: pertsonala, familiarra, soziala… Guzti honengandik, pertsona berritzaileen komunitate bat sortu dute, Euskal berrikuntza aurrera eramaten laguntzen dutena. Proiektu hau plataforma online baten bidez gautzaen da; lankidetzaren bidez bakoitzak bere ideiak, ardurak, proposamenak, erronkak… partekatzeko eskubidea du. Modu honetara, publikazio honetan komunitate horretako zenbait pertsonei egindako elkarrizketak isladatzen dira.
OCDE-ren azterketaren ebaluazioa eta gomendioak Euskal Herriko eskualdeko berrikuntzaren inguruan
Euskal herriak beste krisi bat bizi izan zuen 70. eta 80.hamarkadetan. Garai honetan, sektore desberdinetan berregituratze masiboa egon zen, besteak beste, altzairuan, eraikuntzan eta makina-herramientan. Erregio hau modelo bat bilakatu zen, industria berregituratzeko eta lehiakortasuna handitzeko izan zuen arrakastarengandik zenbait politika industrialen bidez, zeinan artean zentro teknologikoen sorkuntza zegoen. Hala ere, posible da aurreko modelo honen arrakastak ez bermatzea gaur eguneko eta etorkizuneko krisiaren gailentzearen arrakasta. Aurreko garaiko aldakuntza batez ere berrikuntzan oinarritu zen eta baita kostuen murrizketetan ere enpresa lokalen eskutik. Berrikuntza hauek sostengatzeaz gainera, Euskal Herriak ezagutzak berrikuntzaren motor bezala funtzionatu dezan bermatu beharko du. Honetaz aparte, berikuntzak behar sozialetan paper garrantzitsua jokatu behar du(osasunean, ingurumenean…).
Suscribirse a:
Entradas (Atom)