Enpresa eta zentro teknologikoen arteko lankidetza euskal politika teknologikoan
Artikulu honen helburua politikaren eragina (bereziki enpresa eta zentro teknologikoen lankidetzari dagokiona) ea enpresak teknologiaz hornitzeaz baldintzatua dagoen ebaluatzea izango da. Honetarako, hurrengo epigrafeetan ondorengo gaiak jorratzen dira: hasteko, patroi teknologikoak deskribatzen dira enpresa euskaldunen artean; eta amaitzeko, egiaztatzen saiatuko da enpresa eta zentro teknologikoen arteko lankidetzak patroiaren funtzioan forma ezberdinak hartzen dituen.
Berrikuntza Nafarroan
Artikulu honek, Nafarroako berrikuntzaren inguruko hausnarketak eta datu enpirikoak batzen ditu. Hasteko, berrikuntza zein garrantzitsua den azaltzen da Nafarroako ekonomiaren lehiakortasunerako. Ondoren, datu kuantitatibo batzuk argitara ematen dira Nafarroako berrikuntzaren ahalegina adierazten dutenak. Honetaz aparte, hausnarketa batzuk gaineratzen dira kanpoko eta barneko faktore ezberdinen inguruan, zeintzuk eragina izan duten Nafarroako jarduera berritzailearen hazkundean. Amaitzeko, ondorio garrantzitsuenak deskribatzen dira.
Berrikuntzako sistema erregionalen aldaketen azterketa, eboluzioa eta euskadiko industriaren sektore adierazgarrienen dibertsifikazioaren bitartez
Eskualdeko berrikuntza-sistemaren multzoa osatzen duten kluster guztiak bilakatzen ari dira poliki -poliki. Batzuk merkatuen eskakizun berrietara egokitzen ari dira, eta aldi berean beste berri batzuk agertzen ari dira. Bilakaera horren azterketan, zientziaren eta teknologiaren arteko harremanei buruzko nazioarteko azterlanetan oinarrituko gara, aldagai nagusitzat patenteetan aurkitutako aipamenak erabiltzen baitituzte. Aldagai hori erabiliko dugu, euskal industriako sektore adierazgarrienak eta nazioarte mailan izan duten bilakaera aztertzeko, bai eta zientzian eta teknologian trinkoenak diren industria horien enpresa-talde liderrak non biltzen diren aztertzeko ere.
Zientzia, teknologia eta berrikuntza politikaren bilakaera
Euskadiko Politika Teknologikoak lehen Eusko Jaurlaritzaren osaerarekin ekin zion bere bideari, 1981ean. Euskadiko industriaren egoera teknologikoa medio, Eusko Jaurlaritzaren lehen urratsak, teknologian, ikerketa zentroak garatzea eta teknologi berrikuntzaren hedapena babesteko jarduerak sustatzea izan ziren. Ordutik hona, aldaketa asko egon dira gai honetan eta testu honetan bilakaera hori nolakoa izan den deskribatzen da laburki.
Enplegu gehiago parke teknologikoetan nahiz eta krisia egon
Euskotek izaera informatiboa duen aldizkari elektronika da, eta dohainik banatzen zaie komunitate profesionalari internet bidez, Euskal Herriko parke teknologikoen sareen bitartez. Oraingo honetan, 2011ko iraileko aldizkariaren aurrean aurkitzen gara, zeinak ondorengo gaiak jorratu zituen: parke teknologikoetako enplegu mailaren igoera, Bizkaiko parke zientifiko eta teknologikoaren identitate korporatibo berria, Donostiako parke teknologikoko zuzendari berriaren izendapena, parke euskaldunetan kokatutako enpresen berrikuntza proiektuak, etb, besteak beste.
Berrikuntzako sistema erregionalen tipologiak: Espainiaren kasua
Eskualde-berrikuntzako tipologiek aukera ematen dute eskualde-berrikuntzako eta –lehiakortasuneko askotarikotasun eta aberastasun handia atzemateko, eta praktika onenak alderatzea eta politika berdinak gainditzea ahalbidetzen du. Artikulu honetan erakusten dugu nola kokatzen diren Espainiako eskualdeak EB-25eko eskualdeen berrikuntza-tipologia batean, eta Espainiako autonomia- erkidegoei buruzko berariazko tipologia batzuk ere prestatu ditugu. Tipologiak lortzeko ariketa honetan, eskualdekako adierazle ez-eskuragarriak nazioarteko datuen arabera eranstearen edo ez eranstearen emaitzak alderatzen ditugu, hainbat alderdiri buruzkoak, hala nola I+Gri ez lotutako emaitza eta jarduera berritzaileak, eragileen arteko kooperazioa, berrikuntza babesteko politikak, enpresen tamaina, nazioartekotzea, berrikuntza eta IKTak babesteko azpiegiturak.
Euskal Herriko eta Nafarroako berrikuntzaren sistema erregionalak
Testu honetan, Euskal Herriko eta Nafarroako berrikuntzako sistema erregionalek izan duten eraldaketaren azterketa bat egiten da “Zientzia, Teknologia eta Berrikuntzaren adierazleak” proiektuan oinarrituz. Honetarako, lanaren lehenengo zatian I+G-ra bideratzen diren baliabideen esleipena nola egiten den azaltzen da era global batean. Bigarren zatian, berriz, enpresek berrikuntza sisteman duten parte-hartze garrantzitsua dela eta, enpresa berritzaileen jokaeren funtsezko aspektuak aztertzen dira.
Paradoxak berrikuntzan
Aurrerapenak, ezinbestean, bilakaera prozesu orok berekin dakartzan kontraesanak kudeatzea eskatzen du eta horrek erakundeen eta pertsonen eguneroko jardueretan paradoxekin bizitzera eramaten gaitu. Paradoxak berrikuntza prozesuetan bizi dira eta benetako pizgarriak dira orain arteko testuinguruak zalantzan jartzeko, beste ikuspegi batzuk ekartzen baitizkigute. Gainera, ikuspegi berriak orain txertatzea, krisi garaian, inoiz baino garrantzitsuagoa da. Izan ere, berrikuntzari argi ematen dion krisiak berrikuntza bera irensteko mehatxua ere egiten du, Saturno jainkoak bere seme-alabak irensten zituen bezala. Paradoxek, beraz, berrikuntza aktibatzera eraman behar gaituzte, ez desaktibatzera.
Teknologian intentsiboak diren enpresen jokaera: Euskal Herriko parke teknologikoen zentroa
Artikulu hau 6 zatitan banatua dago. Sarrerari jarraituz, teknologian intentsiboak diren enpresa batean baliabideek zein eragin duten deskribatzen da, enpresa barruko eta kanpoko ikuspuntuak kontutan hartuz. Ikuspuntu hauetako bakoitza 2. eta 3.ataletan aztertua izango da, hurrenez hurren. Laugarren sekzioan, azterketa hau aurrera eramateko erabili dituzten metodologiak azaltzen dira. Proba estatistikoen emaitzak 5.atalean agertzen dira eta azkenik, artikulua ondorio eta gomendioekin amaitzen da.
Zientzia, Teknologia eta Berrikuntza Plana 2010
Zientzia, Teknologia eta Berrikuntza Plana 2010, Euskal Herria Europa mailan berrikuntzan erreferente bezala kokatzea helburu duen Eusko Jaurlaritzaren apustua da.2010eko Plan honek, helburu hau lortzeko erabiliko diren estrategiak deskribatzen ditu eta baita hauek aurrera eramaten lagunduko dituzten eragileak ere.
Erronkak Euskal Herriarentzako, sistemaren eboluzioaren eta berrikuntza politiken hiru hamarkadaz geroztik
Berrikuntzako erregio-sistemaren pentsamoldean oinarriturik, artikulu honek Euskal Autonomia Erkidegoko berrikuntzako sistemak eta politikek azken hiru hamarkadetan, politika horiek 80ko hamarkadaren hasieran abian jarri zirenetik, izandako eboluzioa aztertzen du. Halaber, artikuluhonetan alderatu egiten da berrikuntzako sistema hori EB-27ko herrialde eta erregioetakoekin, haren posizio erlatiboa jakiteko asmoz. Azkenik, aurrekoan oin hartuz, Euskal Autonomia Erkidegoaren berrikuntzako estrategiarako zein diren erronkak identifikatzen dira eta baita bere berrikuntzako politikak aurre egin behar dien sistemaren hiru hutsegiteei: berrikuntzako sistemaren osagaietan egon daitezkeen ahultasunei.
Suscribirse a:
Entradas (Atom)