Política Industrial Europea. ACCESO A LA FINANCIACION (Es) European Industrial Policy. ACCESS TO FINANCE (E... by EKAI Center
Wärtsilä Ibérica enpresaren Bermeoko egoitzak 7 milioi inbertituko ditu I+G-n
25 urte bete berri dituen Wärtsilä Ibérica enpresak zazpi milioi euro bideratuko ditu Bermeoko (Bizkaia) egoitza zentralean instalatu duen Ikerketa eta Garapen zentrora, gasezko motor eta motor dual berriak garatzeko eta proba banku bat sortzeko
25 urte bete berri dituen Wärtsilä Ibérica enpresak zazpi milioi euro bideratuko ditu Bermeoko (Bizkaia) egoitza zentralean instalatu duen Ikerketa eta Garapen zentrora, gasezko motor eta motor dual berriak garatzeko eta proba banku bat sortzeko.
Aurreikuspenen arabera, otsaila edo martxorako martxan izango da proba banku berria eta urte amaierarako azken belaunaldiko motor dual baten prototipoa amaitzea espero da.
Konpainia hau da motor eta propultsio sistemen (ardatz lerroak, helizeak eta urruneko kontrolak barne hartuz) hornitzaile nagusia Estatuko ontzigintza industrian. Aipatzekoa da baita ere sustapen-lan handia egiten duela bere motorrak erabil daitezen lurreko instalakuntzetan elektrizitatea ekoizteko.
Gainera, 222 langileko plantilla dauka Bermeo, Santander, Malaga, Las Palmas eta Oporto hirietan dauzkan fabriketan.
Innobasquek Berrikuntzaren Sustapenerako Capital saria jaso du
Aurreko astean banatu ziren Bilboko Udalean Bilboren eraldaketako protagonistentzako Kapital Sariak, eta horien artean Innobasqueko 8 bazkide daude. ‘Capital’ aldizkariak horrela aitortzen du Bilbo hiriaren eraldaketan izandako inspirazioaren jarraibide bat bezala eta omenaldia egiten die Bilboko eta Bizkaiko enpresen dinamismoari, berrikuntzari eta industria-bokazioari.
Bi azken hamarkadetan Bilbo hiri-, gizarte- eta ekonomia-eraldaketako prozesu sakonaren protagonista izan da, hiri gris eta industriala izatetik ingurumenarekiko errespetutsua eta bizi-kalitate handikoa izatera igaro da. Sari horiek aitortza bat dira berrikuntzaren eskutik bihar hiri adimendun bat izateko lanean ari diren erakundeentzat.
Hartara, Innobasquek Berrikuntzaren Sustapena saria jaso du gizartean kultura berritzailea sustatzeko funtsezko lanabesa izateagatik; aldiz, Progenika, medikuntza pertsonalizatuan liderra den bioteknologiko bat Enpresa Berritzaileena aitortu dute.
Hiri Eraldaketa Saria Bilbo Itsasadarra 2000ri egokitu zaio, adostasuna dagoenean hiriaren berrantolatze adimenduna egin daitekeenaren adibide gisara.
Iberdrola, euskal konpainia globalenak eraman duNazioartekotzeari ematen zaion saria. Ezin dugu ahaztu etekinaren %74 kanpotik datorrela
Jasangarritasunaren barrutian saria Petronor-entzat izan da 2016rako CO2 igorpenak %15 murrizteko bere helburu handinahiarengatik. Azpiegitura Saria Bilboko Portuarentzat izan da, bere jatorrietatik hiriaren bilakaerari loturik baitago.
BBK-k, bilbotar erakunde peto bihurturik, Enpresa Ibilbidearena jaso du, eta Bilbo Hiria saria Guggenheim Museoak eraman du Bilbo Hiria Kapital Saria Bilboren kanpo-irudia hobekien proiektatzen duen erakundea delako.
Azkenik, Epai-mahaiaren Sari Berezia bi konpainia oso enblematikorentzat izan da: SENER ingeniaritza eta Idomlanbide-zerbitzuko enpresarentzat.
Saritutako zortzi enpresa Innobasqueko bazkideak dira eta aktiboki parte hartzen dute haren jardueretan. Horren adibide ona dira Iberdrola, Petronor, Idom eta Sener sarituak Southern Europe Cleantech Hub Innobasquek bultzatzen duen Europaren hegoaldeko teknologia garbien plataformako Aditu Batzordearen parte eratzen dutenak.
Foru Aldundiak eta Merkataritza Ganberak eginiko baten arabera, hamar enpresa berritzailetik seik beren hasierako helburuak betetzen dituzte
Foru Aldundiak eta Bilboko Merkataritza Ganberak Barrixe-Bizkaiko Berrikuntza Behatokiaren bidez eginiko azterlan batek jakinarazi du 10 enpresa berritzailetik 6k beren hasierako helburuak betetzen dituztela. Norabidea 2012k, Bizkaiko enpresek beren negozio planetan berrikuntzari ematen dioten garrantzia aztertzen duen txostenak, dio kontsultatutako enpresen %66ren iritziz ongi hartutako erabakia izan dela.
Bizkaiko enpresa berritzaileak zerbitzuen sektoreko konpainia sortu berriak dira, esportatzaileak, merkatuan sartzeko edo hazteko fasean dauden produktuak dituztenak eta erantzukizun postuetan 35-45 urte bitarteko erdi edo goi-mailako unibertsitate titulatuak dituztenak. Prozesuetan sartzen dituzten berrikuntzak funtsean teknologikoak dira eta beren igurikapenen betetze-maila handia da.
Prozesu berritzaile honen onurak gorabehera, berrikuntzak egiten dituen Bizkaiko enpresen kopurua jaitsi egin da azken lau urteotan, eta halaber, epealdi horretan murriztu egin da berrikuntza estrategia jarraitu edo estruktural bezala aplikatzen duen enpresa kopurua. Denbora horretan bi enpresatik batek ez du inolako elementu berritzailerik sartu bere kudeaketan. Prozesu hori geldiarazten duten arrazoi batzuk dira merkatuaren egoera, berrikuntzaren kostua edo ondasun eta zerbitzu berritzaileen eskaintza falta.
Azterlanean argi ikusten da laguntza publikoak gero eta garrantzitsuagoak direla berrikuntzan: azken urtean 10 konpainia berritzailetik 4k erabili dituzte erakundeek enpresa berritzeko prozesuaren kostuak ordaintzeko eskaintzen dituzten bideak.
Foru Aldundiak eta Bilboko Merkataritza Ganberak Barrixe-Bizkaiko Berrikuntza Behatokiaren bidez eginiko azterlan batek jakinarazi du 10 enpresa berritzailetik 6k beren hasierako helburuak betetzen dituztela. Norabidea 2012k, Bizkaiko enpresek beren negozio planetan berrikuntzari ematen dioten garrantzia aztertzen duen txostenak, dio kontsultatutako enpresen %66ren iritziz ongi hartutako erabakia izan dela. Enpresek fakturazioa, marjinak edo irabazi garbiak baino gehiago baloratzen dute kalitate hobea eta produktu edo zerbitzu sorta zabala izatea.
Bizkaiko enpresa berritzaileak zerbitzuen sektoreko konpainia sortu berriak dira, esportatzaileak, merkatuan sartzeko edo hazteko fasean dauden produktuak dituztenak eta erantzukizun postuetan 35-45 urte bitarteko erdi edo goi-mailako unibertsitate titulatuak dituztenak. Prozesuetan sartzen dituzten berrikuntzak funtsean teknologikoak dira eta beren igurikapenen betetze-maila handia da.
Prozesu berritzaile honen onurak gorabehera, berrikuntzak egiten dituen Bizkaiko enpresen kopurua jaitsi egin da azken lau urteotan, eta halaber, epealdi horretan murriztu egin da berrikuntza estrategia jarraitu edo estruktural bezala aplikatzen duen enpresa kopurua. Denbora horretan bi enpresatik batek ez du inolako elementu berritzailerik sartu bere kudeaketan. Prozesu hori geldiarazten duten arrazoi batzuk dira merkatuaren egoera, berrikuntzaren kostua edo ondasun eta zerbitzu berritzaileen eskaintza falta.
Norabidea 2012 txostenak dioen bezala, Bizkaiko Berrikuntzaren Behatokiak elkarrizketatu dituen hamar enpresatatik lauk eskuarki kolaboratzen dute beste sektore batzuetako konpainiekin, bezeroekin edo ekipo eta teknologia hornitzaileekin produkzio prozesuak berritzeko orduan. Lankidetza hori baliagarria da enpresen %44,8ren iritziz; %23,8k, berriz, nahiago du erronka horiei bakarrik aurre egin.
Azterlanean argi ikusten da laguntza publikoak gero eta garrantzitsuagoak direla berrikuntzan: azken urtean 10 konpainia berritzailetik 4k erabili dituzte erakundeek enpresa berritzeko prozesuaren kostuak ordaintzeko eskaintzen dituzten bideak.
Bodegas Berartek nazioartekotzean eta berrikuntzan oinarritutako plan estrategiko bat ezarri du
Eskuernagan kokatutako Bodegas Berartek 40 urte baino gehiago daramatza mahats hazkuntzaren sektorean. 2012an belaunaldi aldaketa eman da eta upategiaren irudi berria zabaltzea izan da beren helburu nagusia.
Eskuernagan kokatutako Bodegas Berartek 40 urte baino gehiago daramatza mahats hazkuntzaren sektorean. 2012an belaunaldi aldaketa eman da eta upategiaren irudi berria zabaltzea izan da beren helburu nagusia. Hala, bost urterako plan estrategiko baten bidez marka sendotu nahi du, eta horretarako, nazioartekotzearen, berrikuntzaren eta hazkunde jarraituaren aldeko apustua egingo du.
Belaunaldi berriak kudeaketa eredu berri bat ezarri du, eta ondorengotza prozesuaren barruan Berarte Viñedos y Bodegas S.L sozietatea eratu da, José Antonio Berrueco, Charo eta beren hiru seme-alaben eskutik: Inmaculada, Sonia eta Gonzalo.
Plan Estrategikoaren barruan hainbat helburu ezarri dituzte, besteak beste, eredu berria sendotzea, kudeaketa profesionaltzea, markaren irudia finkatzea eta balioa ematea, hazkunde jarraitua berrezartzea eta nazioartekotzen hastea. Upategiak jada badu presentzia Alemanian eta 2013an zehar bulego bat zabalduko du Hanburgon. Hala, hemendik bost urtera negozioaren %30 atzerritik etortzea espero dute.
Berarte Viñedos y Bodegas S.L sozietateak produktu berberak merkaturatu ditu duela 40 urtetik hona (kriantzarik gabeko Errioxa Gaztea, Errioxako Kriantza eta Errioxako Erreserba, hirurak ardo beltzak). Dena den, irudi korporatibo berriarekin batera, ardoen aurkezpena eta ontziratzea zabaldu egin da eta formatu berriak sortu dituzte.
Negozio planetan berrikuntza sartzea da enpresen garapenaren gakoa
Foru Aldundiak eta Merkataritza Ganberak eginiko azterlan baten arabera, hamar enpresa berritzailetik seik beren hasierako helburuak betetzen dituzte. Gehien baloratzen diren efektuak dira kalitate hobea lortzea eta produktu edo zerbitzu gama handitzea.
Norabidea 2012k, Bizkaiko enpresek beren negozio planetan berrikuntzari ematen dioten garrantzia aztertzen duen txostenak, dio kontsultatutako enpresen %66ren iritziz ongi hartutako erabakia izan dela. Enpresek fakturazioa, marjinak edo irabazi garbiak baino gehiago baloratzen dute kalitate hobea eta produktu edo zerbitzu sorta zabala izatea.
Bizkaiko enpresa berritzaileak zerbitzuen sektoreko konpainia sortu berriak dira, esportatzaileak, merkatuan sartzeko edo hazteko fasean dauden produktuak dituztenak eta erantzukizun postuetan 35-45 urte bitarteko erdi edo goi-mailako unibertsitate titulatuak dituztenak. Prozesuetan sartzen dituzten berrikuntzak funtsean teknologikoak dira eta beren igurikapenen betetze-maila handia da.
Azterlanean argi ikusten da laguntza publikoak gero eta garrantzitsuagoak direla berrikuntzan: azken urtean 10 konpainia berritzailetik 4k erabili dituzte erakundeek enpresa berritzeko prozesuaren kostuak ordaintzeko eskaintzen dituzten bideak.
Euskal teknologia Ghanan eta Senegalen
Neiker- Tecnalia Nekazaritza Ikerketa eta Garapenerako Euskal Erakundea aukera dute teknologia berrietan oinarrituta ureztapenaren eraginkortasuna hobetzeko proiektu bat garatzeko, Ghanan eta Senegalen.
Informazio eta komunikazio teknologia berriak (IKT) dira NEIKER-Tecnaliaren proposamenaren oinarri nagusia ureztatze sistema berriak lortzeko, bi afrikar herrialdeetako klimaren eta nekazaritzaren beharretara egokitzeko. Jardueraren funtsezko produktuak zerealak -batez ere arroza- eta barazkiak dira, Afrikako mendebaldean zabalduen daudenak baitira. Labore lurretan jarritako sentsoreen bitartez, lurrean dagoen ur maila jakin ahal izango da, eta horrek aukera emango du ureztatzeko dauden beharrak zehatz-mehatz definitzeko eta dagoen ura alferrik ez galtzeko.
Sentsoreen sare bat diseinatu eta ezarriko dute, ingurumenari buruzko hainbat parametro jasoko dituztenak, hala nola tenperatura, prezipitazioak eta airearen hezetasuna, besteak beste. Lortutako informazioak ureztapena une bakoitzean dauden beharren arabera egokitzea ahalbidetuko du. Teknikariek garatzen duten jarduera guztia bertako nekazariei eta Ghanako eta Senegalgo nekazaritza arloko erakunde publikoei transferituko zaie.
Proiektuari esker, uzten produktibitatea handitu eta uraren kontsumoa murriztu ahal izango da, kontuan hartuta afrikar kontinentean gero eta urriagoa den ondasuna dela. Proiektuaren helburu bat da emaitzak Afrikako beste herrialde batzuetara ere zabaltzea, nekazarien komunitateen bizi baldintzak hobetzen laguntzeko.
*Iturria: Euskadi + Innova
Berrikuntza kontsultagai
Ikerketa, Garapen eta Berrikuntzako Estatu Idazkaritzak epea ireki du kontsulta publikoa egiteko Zientzia, Teknologia eta Berrikuntzako Espainiar Estrategia berriaren Aurrerapen dokumentuaz. 2013-2020 denboraldian indarrean egongo den estrategia berrirako ahalik eta adostasunik handiena lortu nahi da, Estrategia horrek ordezkatuko baitu Zientzia eta Teknologiaren Estrategia Nazionala eta Berrikuntzako Espainiar Estrategia.
Zientzia, Teknologia eta Berrikuntzako Espainiar Estrategia berriaren Aurrerapena dokumentu irekia da, Zientzia, Teknologia eta Berrikuntzako Espainiar Sistemaren erabiltzaile guztiek eta, oro har, espainiako gizarteak parte har dezaten. Testuaren kontsultak eta iruzkinak berariazko banner baten bidez egin daitezke Zientzia eta Teknologiarako Espainiar Fundazioaren (FECYT) ikono den webgunean. Kontsulta-epea urriaren 25ean itxiko da.
Zientzia, Teknologia eta Berrikuntzaren Legeak Zientzia eta Teknologiako Espainiar Estrategia ezartzen du hainbat urtetarako tresna gisa zientzia- eta teknika-ikerketan helburuak lortzeko; eta Berrikuntzako Espainiar Estrategia, hainbat urtetarako tresna gisa berrikuntza arloan helburuak lortzeko. Bi estrategiak 2013ko lehenengo hiruhilekoan onartuko ditu Gobernuak.
Edukiak lantzeko hiru lantalderen parte-hartze aktiboa izan da; akademia-, zientzia- eta enpresa-munduko ordezkari nabarmenek osatu dituzte talde horiek, baita autonomia-erkidegoen ordezkariek eta Estatuko Administrazio Orokorreko organoen eta I+G+b jarduerak bultzatzen aritzen diren organismoen ordezkariek ere.
Zientzia eta Teknologia eta Berrikuntzako estrategia berriak Oinarrizko 7 Printzipio, 4 Helburu Orokor (18 Helburu Espezifikotan banatuak), Lehentasunezko 6 Ardatz eta 10 Artikulazio Mekanismotan egituratuta daude.
Oinarrizko printzipioen artean, besteak beste, honako hauek nabarmendu behar dira: I+G+b politiken eta gainerako politika sektorialean arteko KOORDINAZIOA ETA KOHERENTZIA, PLANGINTZA-ESPARRU EGONKOR baten zehaztapena, KALITATEA ETA GARRANTZIA baliabide publikoen esleipenean printzipio gidari gisa,IRAUNKORTASUNA ETA I+G+b GAITASUNAK SORTZEA, eta EFIZIENTZIA ETA KONTU-EMATEA Herri Administrazioen I+G+b sustatzeko dauden jarduera publiko guztietan, eta emaitzen zabalkundea gizartean.
Bestalde, lau dira estrategia berriak planteatzen dituen helburu orokorrak:
- TALENTUAREN eta horren ENPLEGAGARRITASUNAREN AITORTZA ETA SUSTAPENA herrialdearen zientzia- eta teknologia-aurrerapenaren eta bere berrikuntza-gaitasunaren zutabe gisa.
- Zientzia- eta teknologia-ikerketan BIKAINTASUNA SUSTATZEA, lehian oinarriturik, ezagupenen oinarri sendo bat sortzea ahalbidetuko duen helburu gisa, baita zientzia, teknologia eta enpresa munduan lidergo-gaitasuna garatzen lagunduko duena ere, berrikuntza sustatuz.
- ENPRESA-LIDERGOAREN BULTZADA, produkzio-ehunaren lehiakortasuna bultzatzeko funtsezko elementu gisa, Espainiako eta autonomia-erkidegoetako ekonomiarentzat estrategikoak diren eremuetan sektore guztietan.
- GIZARTEAREN ERRONKA handiei atxikita berrikuntza eta lehiakortasun-iturri berriak identifikatzea eta sendotzea ahalbidetuko duten I+G+b JARDUERA ORIENTATUEN SUSTAPENA; beren izaera eta konplexutasunagatik, baita esperotako emaitzek gizarte eta ekonomian izan dezaketen eraginagatik ere, uztartu beharra dago zientzia-ikerketa, teknologia-garapena eta berrikuntza, Espainiaren etorkizuneko zientzia, teknologia eta enpresa arloko lidergoa sendotzeko.
*Iturria: Innobasque
Abangoardiako teknologiaren sorreran talentu euskaldunak giltzarri
IK4- IKERLAN euskal zentro teknologikoko hogei bat ikertzailek, ikerkuntzan erreferente diren Europar Batasuneko zenbait unibertsitatetan eta erakundetan egonaldiak egin zituzten joan den urtean zehar.
Iaz, IK- 4 IKERLANek, teknologiaren sorreran abangoardian egotearen garrantziaz jabetuta, zenbait ekintza hasi zituen. Besteak beste, Europar Batasuneko zenbait erakundekin eta unibertsitatekin lankidetza prozesuak martxan jarri zituen. Helburua: IK4-IKERLANeko ikertzaileak horietan egonaldiak egitea.
Sistema txertatuen baitan, kolaborazioak egin dituzte TU-Wien Austriako zentroarekin eta baita Eskozian Edinburgoko unibertsitatearekin, Italian PISAko unibertsitatearekin eta Espainian Kantabriako unibertsitatearekin ere. Potentzia elektronika eta makina elektrikoen arloari dagokionez, IK 4-IKERLANeko ikertzaileak, Frantziako G2Elab zentroan, eta Erresuma Batuan Sheffield, zein Espainian Santiagoko unibertsitateetan izan ziren.
Diseinu, monitorizazio eta material konposatuen mekatronika egitura kontrolen arloan, euskal talentuek honako toki hauetan hartu zuten ostatu: Gironako unibertsitateko Amade zentroan, Belgikan Lovainako Katholieke unibertsitatean, Frantzian Franche-Comté unibertsitatean, Pariseko Ecole Centralen, Kataluniako unibertsitate politeknikoan, Alemanian Siegeneko unibertsitatean eta Grezian Patraseko unibertsitatean. Halaber, eta mikroteknologiari dagokionez, elkarlana Belgikako IMEC eta Bartzelonako CNM zentroekin egin dute. Bestalde, energia elektrikoaren biltegiratze ikerkuntzan, IK-4 IKERLANeko ikertzaileek egonaldiak Alemanian Akisgraneko ISEAn eta Suitzan Lausanako École Polytechnique Fédéralen egin zituzten.
*Iturria: Euskadi+Innova
Iaz, IK- 4 IKERLANek, teknologiaren sorreran abangoardian egotearen garrantziaz jabetuta, zenbait ekintza hasi zituen. Besteak beste, Europar Batasuneko zenbait erakundekin eta unibertsitatekin lankidetza prozesuak martxan jarri zituen. Helburua: IK4-IKERLANeko ikertzaileak horietan egonaldiak egitea.
Sistema txertatuen baitan, kolaborazioak egin dituzte TU-Wien Austriako zentroarekin eta baita Eskozian Edinburgoko unibertsitatearekin, Italian PISAko unibertsitatearekin eta Espainian Kantabriako unibertsitatearekin ere. Potentzia elektronika eta makina elektrikoen arloari dagokionez, IK 4-IKERLANeko ikertzaileak, Frantziako G2Elab zentroan, eta Erresuma Batuan Sheffield, zein Espainian Santiagoko unibertsitateetan izan ziren.
*Iturria: Euskadi+Innova
Euskadi Europako berrikuntza-liderren ondoan dago kokatuta Europako Eskualde Berrikuntzaren Barometroan
Regional Innovation Scoreboard 2012 (RIS) delakoaren arabera, Euskadi berrikuntza gehien egiten duten Europako eskualdeen bigarren taldean goi mailan dago; Europar Batasun, Suitza, Finlandia eta Kroaziako 190 erregio edo eskualderen berrikuntza-maila konparatzen du RISek. Gainera, azterketa horrek Euskadi liderren kategorian jartzen du I+G Esparru Programako erretornu edo itzulkinetan, egiturazko funtsen erabilera apalarekin.
RISek agerian utzi du berrikuntza bultzatzaile nagusia dela aberastasuna eta enplegua sortzeko, eta eskualde edo erregioak 4 motatan sailkatzen ditu: berrikuntzako liderrak (41 eskualde), berrikuntzako jarraitzaileak (58 eskualde), berritzaile neurritsuak (39 eskualde) eta berritzaile apalak (52 eskualde). Mota horiek goiko, erdiko eta beheko mailatan azpisailkaturik daude. Euskadibigarren taldean dago goiko mailan, Madril eta Nafarroarekin batera.
Bestalde, Europako txostenak nabarmentzen du berrikuntzan aurreratuenak diren eskualde gehienak, Euskadik bezala, funts asko lortzen dituztela I+G-ko Europar Esparru Programatik; Programa horrek finantzaketa ematen die enpresa eta erakundeen ikerketa- eta garapen-proiektuei, EB izan dadin munduan ikerketa-gunerik garrantzitsuena eta lehiakorrena. Aitzitik, berrikuntza gutxi egiten dutenek asko erabiltzen dituzte EB-ko Egiturazko Funtsak eta eskas esparru-programak.
Berrikuntzan liderrak diren eskualdeek lankidetza handia izaten dute enpresa pribatuen eta erakunde publikoen artean, patente kopuru handiagoa dute eta hobeto merkaturatzen dituzte beren produktuak. Berrikuntzan herrialderik aurreratuenak (Suedia, Danimarka, Alemania eta Finlandia) dira eskualde edo erregio berritzaile gehienak dituztenak ere. Honela, Alemania osatzen duten 16 eskualdeetatik, 12 berrikuntzan liderrak dira; Danimarkan eskualde guztietan egiten da berrikuntza, 5etik 2 lehen taldean sailkatuta daudelarik. Hala ere, Europar Erkidegokoa ez den herrialde batek, Suitzak, ditu bere eskualde guztiak, bat izan ezik, berrikuntzako liderren taldean.
Berrikuntza gutxieneko herrialdeak (Grezia, Hungaria, Polonia edo Eslovakia) homogeneoagoak dira, ez baitago berrikuntza handirik eskualde bakar batean ere. Gauza bera gertatzen da Errumanian eta Bulgarian, non ia ez baitago berrikuntzarik.
Suscribirse a:
Entradas (Atom)